直播「拆信的故事」 陳柏宇變「費」青呻苦

東方日報
陳柏宇睇住啲乜費物費單,眉頭深鎖。

歌手陳柏宇不時開Live與粉絲互動,更習慣每朝直播跟愛女Abigail食早餐的溫馨畫面。昨日,他心血來潮派「彩蛋」,即席「表演」拆信,但見他愈拆愈眉頭深鎖,原來收到「乸脷」電費單,不禁瞪大眼大叫︰「點解可以成三千幾蚊,有二千六蚊係按金?哈哈!最近係咁留喺屋企,冇錢喎,以後屋企唔准開燈!」又自爆收到「牛肉乾」,嘴扁扁指揸車出活動時被影快相要扣分,話口未完再度哀怨︰「又要交保險?唔係交咗咩?仲有Abi嘅戶口信,佢個戶口冇進帳,我仲爭佢幾千蚊未還。」原來指利是錢未過數。

直播尾聲時,張敬軒突亂入搞爛Gag,笑說對方上演「拆信的故事」,最後陳柏宇又指要落街倒垃圾,笑翻一眾Fans!