直撃女神慳家大法!劉心悠 貼地改衫

東方新地 - 娛聞

入行十四年,出名夠純夠乖的劉心悠,多年來保住「氣質女神」金漆招牌,全因夠真毫不造作,就算之前拍《深宮計》同黃心穎做好姊 妹日對夜對,都冇感染對方陋習乜都名牌掛帥,心悠BB堅持慳家唔做大花筒!

日前,慳妹出動,心悠BB攞住大袋衫去幫襯佐敦寶靈街一間平民改衫舖,搵改衫達人溫登奎平價改 衫,女神更不拘小節逐件衫著上身, 師傅度 身慢慢改。娛樂圈邊啲女仔識得過?識揀一定揀心悠BB。

撰文:東方新地 圖片:新傳媒圖片、劉心悠微博、黃心穎微博

延伸閱讀:

冷戰半年釀婚變!郭晉安 馴服虎媽歐倩怡

【多功能老婆】中環拍煞科!楊千嬅 周柏豪 終極劇透

劉心悠 性格十年如一日

現年37歲、來自台灣的劉心悠,04年入行拍首部電影《阿嫂》,清新氣質已經 令人印象深刻,當時更獲提名《第二十五屆電影金像獎》「最佳新演 員」,到11年心悠拍到人氣內地劇《步步驚心》,打埋入內地市場順風順水;轉眼出道十四年,難得心悠BB凍齡一樣冇變過,冇變嘅唔止係 keep住清秀甜美樣貌,乖乖女性格亦十年如一日,就算事業上位,並 且成立自己工作室,身家升值,心悠BB仍堅持做慳妹,唔做名牌奴 隸。

初出道拍《阿嫂》

睇番04年佢處女拍電影《阿嫂》,夥拍同經理人公司嘅師姐林嘉欣、羅仲謙,心悠獲提名金像獎「最佳新演員」獎。

劉心悠
劉心悠

劉心悠 唔追求物質

據知情者透露:「喺呢行咁多年, 心悠BB性格都係咁單純,從來佢都唔追求物質,如果唔係工作需要,佢唔鍾意買名牌嘢,反而鍾意捐窿捐罅去買平嘢,佢成日話衫只要著得舒服就得。」

慳家女神

唔似港女愛逛 名店,女神劉心悠就 著得唔好嘥,鍾意改衫 循環再著,日前就攞住大 袋衫去佐敦小舖搵改衫高手溫師傅幫佢改衫,名副其實圈中慳妹!

改足六件

明顯係舖頭 熟客,心悠BB每件衫都著上身畀師傅度身,同師傅有商有量!

心悠BB不拘小節,唔介意 迫喺細小的舖頭 內試身。

唔使人服侍

出名平易近人的心悠 BB ,唔使助手服侍,邊試邊同師傅細心研究傾得好開心!

大變身

心悠BB將紅色鬆身格仔裙改成露肩貼身款式,溫師傅手工好仲好有心思!

試足一小時

試足一小時,心悠BB心滿意足埋單,同助手一齊離開。

戲外唔friend

上年拍《深宮計》同28歲經常被指貪慕虛榮的黃心穎,演宮女好 姊妹對足五個月,但兩人性格南轅北轍。據知情者透露:「心穎一得閒 就上網睇啲名牌有乜新貨,話要追貼潮流,但心悠BB反而鍾意做運 動,講名牌同shopping佢興趣不大,呢方面佢哋真係唔多啱key!所以 拍完劇都冇乜聯絡!」 唔單止愛買平民衫,心悠BB更有鋪改衫癮,覺得著得唔好嘥,自 從多年前在友人介紹下,就經常到佐敦幫襯改衫達人。據知情者透 露:「有時佢買咗啲衫唔啱身,佢就會去搵師傅幫手,有時又會將啲舊 衫改款式,佢覺得師傅手工好價錢又相宜,所以每次佢都會攞成大袋 衫去改!」日前,心悠BB慳妹出巡,由助手陪同攞住大袋衫去搵改衫 達人,只見心悠BB不拘小節,迫喺細小的舖內,逐件衫著上身等師傅 度身,全程毫無架子同師傅一齊研究!

劉心悠幫襯的改衫神手溫登奎,舖頭位於佐敦寶靈街寶靈商業中 心,舖內更設有更衣室,方便客人試身,雖然舖頭唔起眼,但58歲裁 縫出身的溫師傅,改衫技術精湛,改衫改到出晒名,唔單止明星名人 慕名幫襯,更是多個國際品牌指定改衣店,溫師傅改衫著重手工,他 強調別人做唔到的,他一樣做到,兼且價錢相宜,試過幫客人將四件 衫合併,只收二百多元,亦可以將恤衫變裙,改價大約五百元。

唔似心穎愛名牌

劉心悠同黃心穎拍《深宮計》做好姊妹,不過崇 尚名牌的黃心穎,得閒就晒名牌,同樸實的心 悠性格完全相反。

劉心悠堅持廣東話拍劇

劉心悠在《深宮計》堅持用廣東話拍劇,努力值得欣賞。劇中心悠飾演宮婢元玥,為尋找胞姊而入宮,期間更助若芊 (黃心穎飾) 脫罪,因此若芊獲釋後對元玥心懷感激,二人姊妹情更篤。

不少網友話37歲嘅劉心悠拼埋29歲黃心穎身邊,一啲都冇輸蝕!

劉心悠
劉心悠

湯水很重要 做女仔唔可以懶

Keep得咁好,心悠話阿媽嘅愛心老火湯功不可沒,另外仲要多運動、勤保養:「有句說話係『做女仔唔可以懶』,我好認同㗎!女仔唔識補會好易老,不過我就識點樣令自己保持年輕,例如做瑜伽、跑馬拉松,因為可以令新陳代謝好啲,至於皮膚方面,我都好注重,仲好勤力𠻹,由卸粧、敷Mask,由內到外去保養。」

劉心悠

保養肌膚 三管齊下

心悠指保養肌膚一定要由內到外:「飲食、運動、睡眠,要三方面一齊做,特別係我成日拍戲,好多時都休息唔夠,就好易有細紋、鬆弛等等嘅肌膚衰老問題。」

劉心悠剪了一頭短髪,形象清爽,唔知大家喜歡佢長髪定短髮多啲?!
劉心悠

卸妝的重要性

心悠又提醒大家徹底卸妝好重要:「我知道好多女仔會花好多時間嚟化妝,但卸妝就馬馬虎虎,我甚至見過朋友只係用濕紙巾抹面就當卸咗妝!其實如果唔徹底卸妝,最後會令皮膚變差,點化妝都唔好睇!」

劉心悠

出道14年

在台灣出生的劉心悠﹐原名劉平凡,04年出道,首個公開活動係出席皮鞋品牌,唔經唔覺已經出道了14年,但歲月催人似乎在她身上未有發生!

05年時24歲嘅心悠BB皮膚白滑笑容甜美,又pure又true。

劉心悠
劉心悠

素顏見得人

心悠BB經常素顏及淡妝示人,但人靚加上皮膚好,依然見得人,真係令不少女生羨慕!

劉心悠
劉心悠

馬拉松常客

心悠12年來堅持練跑,幾乎每年都會參加渣打馬拉松,已是資深跑者,佢仲勤練瑜伽,努力keep住健美身形。

劉心悠
劉心悠

2015年心悠同周柏豪拍電影《小姐誘心》,著上水手服上演制服誘惑,令觀眾留下深刻印象。

劉心悠
劉心悠

一直蛻變中

37歲的劉心悠說自己一直在蛻變中,只係步伐比較慢:「我覺得好多事,要到達某個人生境界先做得到,好似性感、裸露,依家我仲未接受到,但二十年前我唔能夠接受嘅露背、高踭鞋,依家我已經著得好舒服!」

劉心悠
劉心悠

心悠保養得宜,而且入行多年都零緋聞,難怪多年來護膚品牌一直搵佢任代言人啦!見到佢真係要講句「我要健康,我要消脂」~

吳嘉龍被女家嫌冇車冇樓?吳耀漢 寸爆親家拜金

揭《大帥哥》變倉底貨死因 張衞健蝕住回巢 淪為炮灰

狠飛羅鈞滿找到Mr. Right!張文采嫁消防員 前主播送出嫁

網傳兩粒鐘豪使10萬?12歲李嫣帶閨蜜名店掃貨 王菲埋單

分手變離婚!江美儀、吳君祥 驚爆06年美國秘婚

愛妻號啟航 陳奕迅陪徐濠縈潮玩水

《鬼怪》、《繼承者們》都不是第一?!節目公布最佳韓國電視劇前五名

女神封盤!江嘉敏認戀電競公司高層 男友大起底

【延禧攻略】原班人馬開新劇!《皓鑭傳》邊個冇得留低?

延伸閱讀:

《跳躍生命線》被揭四大漏洞位 救護群組網民睇唔過眼!