目睹高以翔意外發生心情未能平伏 傳陳偉霆辭演浙江衛視跨年晚會

陳偉霆

台灣男神高以翔喺上個月27日拍攝內地錄影遊戲節目《追我吧》突然暈厥,之後送到醫院搶救不治,終年35歲。有傳當時陳偉霆都係錄影現場,之後亦有陪同高以翔送院,但可惜最終搶救不治。

高以翔

有指陳偉霆目擊高以翔出事,心情一直難以平復,到而家都無接受任何訪問及更新個人社交網站。噚日一度傳出陳偉霆辭演年尾舉行嘅浙江衛視跨年晚會,寧願違約賠錢都唔想去。不過經理人霍汶希就否認傳聞,仲話佢哋一直都冇接浙江衛視嘅跨年活動。

除咗陳偉霆外,仲有傳好多藝人都紛紛退出浙江衛視跨年晚會。