白鬚陳豪扮聖誕老人

東方日報
陳豪懶理老婆唔Like,繼續留鬚。

陳豪昨晚一臉白鬚出席活動,笑言乜都試吓:「唔想留喺某階段,本來都諗住剃,但心血來潮不如漂白佢啦!」問是否打算扮聖誕老人?他笑說:「啲人都咁講,諗住留到過埋聖誕先。(仔女鍾唔鍾意?)由佢哋出世,我都係留鬚,試過剃咗鬚,個女唔係好認得我,唔睬我。」

同場的何超蓮透露聖誕與男友竇驍各有各忙,問準備了甚麼禮物,她透露正為父親織冷帽,又指父母沒催婚。談及高以翔錄影節目期間出事,超蓮坦言擔心男友:「有叫佢爭取時間休息,過分攰係好危險,佢近排拍嘢,都畀啲好毒嘅昆蟲咬到隻腳,暈咗成日!」

何超蓮仍為男友的聖誕禮物苦惱。