白雲滯韓返港 同老公隔離分房瞓

東方日報
白雲昨晚終於返抵香港,開心晒V。

南韓爆發新冠肺炎,確診數字連日大幅飆升,留在韓國滑雪的「咪神」白雲,前後改了三次機票,昨晚返抵香港,戴雙重口罩現身的她笑言:「終於返到香港!」她指在當地15天,除入境時要申報健康狀況外,每日都要透過App填健康資料:「返到香港都要申報,我會即刻自我隔離。(老公好擔心?)又冇,佢知我唔會去人多地方。(隔離分房瞓?)會同佢講吓。」

白雲又指未試過回程航班滿座,令她變得緊張:「個個都戴啲好勁嘅口罩,我都換咗3個KF99,再消毒座位。(避食飛機餐?)我瞓着咗冇食,廁所都冇去。」提到韓國疫症爆發點集中大邱及慶尚北道,她表示旅程期間沒去過:「呢幾日人人都戴口罩,貨源充足,自己都有傾Fashion口罩代理。(網民話你唔係賣合規格口罩呃人。)我有解釋唔係KF94,都未收錢未出貨,冇呃人。」