白襪仔累事!倪晨曦跳樓梯舞仆到應

小心樂極生悲呀!

女神倪晨曦(Elva)同圈外男友Vincent,早前無懼新冠肺炎疫情入紙排期註冊,原本佢哋諗住上個月註冊兼擺酒,但係最後因疫情影響,令婚事延期。

倪晨曦早前同圈外男友Vincent入紙註冊。
最後婚事要延期。

最近返咗加拿大嘅Elva,好乖咁留喺屋企避「炎」,佢喺社交網上載咗條片,睇到着住牛仔熱褲配白襪嘅佢,大晒白滑長腿,喺度玩依家熱爆嘅樓梯舞,佢一路跳住舞一路上樓梯,跳起舞上嚟仲姿勢十足添,不過佢跳跳吓就唔小心差錯腳,成個仆咗落樓梯,真係睇見都痛呀,唔知有冇受傷呢?佢留言話:「當你睇片睇人哋跳樓梯舞好似好簡單,不過就提醒大家,當你跳樓梯舞嗰陣,千祈唔好着襪仔呀!」

佢最近返咗加拿大。
熱褲加白襪上陣跳樓梯舞!
上樓梯嗰陣都冇事!
但係落樓梯嗰陣!
差錯腳!
成個仆咗落嚟!
倪晨曦留言提醒大家,千祈唔好着襪仔跳呀!

網民見佢咁樣仆落嚟都嚇親,戥佢陰功豬之餘,紛紛問佢有冇事,仲話睇到佢着襪仔跳都覺得危險,叫佢下次唔好啦!