發媽未出院 想借鉸剪偷走

東方日報
周潤發昨日再到醫院探媽咪,但未有受訪。

周潤發日前到養和醫院探望九十多歲的發媽,指媽咪有老人病,但十分精靈。昨日他再現身醫院,甫見傳媒即揮揮手,婉拒訪問。約一小時後,其姊周聰玲拖着行李箱到達,自言從粉嶺的攝影展出來:「媽媽情況好咗,有日佢問我有冇鉸剪,因為想偷走,但畀條繩綁住。(精神點?)上星期轉天氣,氣管唔得,啲痰塞住,要吸氧氣,呢幾日好番好多。(落得床?)唔知,慢慢啦!」問發哥有否去她的攝影展?她指對方向來低調:「佢平時戴漁夫帽遮住晒,唔會話我知。」

周潤發昨日再到醫院探媽咪,但未有受訪。