登記捐贈器官 馮允謙個心最健康

東方日報
馮允謙認為接體能消耗大的節目,要量力而為。

歌手馮允謙昨日出席器官捐贈活動,即場登記器官捐贈卡,希望可以幫到有需要的人。問到覺得自己哪個器官最健康?他笑言:「個心,因為成日跑步做運動,希望可以Keep住健康嘅狀態。」講到台灣藝人高以翔錄影內地節目猝死,他坦言可惜:「佢高大靚仔,形象健康,我有朋友識佢,都讚佢友善。」問到可會接體能需求大的節目?他說:「唔會唔接,但要好好準備,如果攰我會出聲。(若果要你繼續拍會唔會Say No?)會,因為人哋唔知你身體狀態係點,頂唔順要講。」

對於今年有兩個樂壇頒獎禮取消,他說有頒獎禮就一定會出席,但不是為攞獎,而是開心見到一班朋友支持廣東歌及樂壇。