瘋傳家姐被「私了」錄音 楊秀惠澄清:我冇家姐

楊秀惠

反修例示威活動已經持續咗幾個月,不同政見嘅市民多次發生衝突,期間有唔少人更被「私了」。喺噚日開始唔少人喺即時通訊程式收到一條大約4分鐘嘅錄音,呢段錄音係關於有一個女人聲淚俱下話自己家姐喺太古城行街被人「私了」。錄音者提及到自己家姐只係一名普通主婦,行過太古城見多人,見有抗爭者出於好奇就影張相。點知就係呢一影,就被人發現影相。但就算刪除照片都冇用,都唔會被人放過,所以就被人用粗口慰問。錄音者家姐當時激到講粗口嘅對方一下,隨即就被一群人圍打至骨裂加眼腫,聽到都叫人心酸!而錄音者家姐被人打不特止,仲被人拎埋自己銀包,將身入證及回鄉證影低再放上社交網站叫人起底。

呢段錄音除咗錄音者不斷地講自己家姐嘅出事外,仲有佢自己嘅喊聲。唔知點解,好多人一聽完錄音後都覺得係呢個女人就係無綫藝人楊秀惠(Vivien)。而楊秀惠知道事件後,佢就喺社交網站貼文表示自己冇家姐,全部屋企人都係住喺馬來西亞,最近亦冇嚟香港。

楊秀惠 Facebook

既然楊秀惠都出PO澄清自己係冇家姐,咁呢個錄音者就唔係楊秀惠啦。所以有時親朋戚友send嘢俾大家嘅時候,大家都係fact check下先啦!

楊秀惠
楊秀惠