【痛到暈咁滯】趙學而被車門夾中指 自嘲手腳遲鈍累事

放完血繼續去玩

【星島日報報道】趙學而為慶祝老公生日,日前兩公婆出發去旅行慶祝,心情靚靚的趙學而更專誠整彩色繽紛的Gel甲襯返異國藍天白雲。在社交平台分享過骨感美水著相後,趙學而今日晒面容扭曲的慘情照,不幸被車門夾中指的她流晒血,手指現瘀黑色,要浸冰水止痛,睇相都戥趙學而慘豬。她留言:「#又係你呀 #唔係手指就係腳趾 #同趾指有仇,話說我老人家手腳遲鈍車門夾中指 #面容扭曲 暈咁滯 #敷冰 成碗嚟仲要被 #偷拍。恭喜晒終於 #肥咗隻中指」

放完手指瘀血再包紮,趙學而不忘同老公醫肚,因中指受傷不能屈曲,她打趣道:「雖然生日大晒,但係都要哽我隻中指 #happybirthday」。

睇更多