疫情影響停工造人 陳山聰同太太唔敢錫錫

真係快啲過兩招畀佢啦。

藝人陳山聰、譚俊彥、吳若希及森美等,下午於電視城錄影《娛樂大家10點半》。山聰與譚俊彥齊齊受訪,前者被拍得日前現身龍母廟「求子」,他解䆁:「係因為媽媽同太太都犯太歲,所以去攝太歲啫。依家全面停工,無論係返工同屋企都「冇工開」,錫下都唔敢,驚交叉感染。(即係同太太保持6個階磚嘅距離?)未至於,不過上床就瞓覺囉。」

譚俊彥教生仔甫士

在旁的譚俊彥即笑着接口:「使唔使教你甫士追仔?但唔信你唔識囉!拍《天命》嘅個個都有仔生,依家爭你咋,一定走唔甩,應該有好消息。」

山聰又指近日與太太躲在家中煲劇:「啱啱睇完木村拓哉新劇,依家轉煲玄彬嗰套,尋晚睇到三點幾先訓。(驚新冠肺炎唔敢生住?)隨緣啦,希望今年有好消息話到畀大家聽。」

譚俊彥聞得添丁,即耍手兼擰頭:「TVB最生得嘅應該係林盛斌同胡諾言,我就真係2個夠晒數啦。我發覺冇多餘嘅愛可以再分出嚟,近日覺得自己偏心咗個仔,好似欠咗個女咁。」