疫境冇工開 藝人齊變KOL

疫情令演藝圈工作量大減,唔少藝人立即諗計「自救」,加入KOL行列頻頻拍片,成功殺出一條新血路!

余思霆就上載潛水片。
成日晒水着。
余思霆身材一向FIT爆。

余思霆

前華姐冠軍余思霆近年經常孖住男友朱敏瀚,齊齊亮相網上節目大玩「狼人殺」成功引起關注,近日佢更開設個人頻道,使出「拿手絕技」,拍片記錄喺台灣潛水嘅點滴,不時以性感水着上陣,引死一班宅男!


鄧月平

鄧月平晒廚藝。
教大家煮餸

藝人鄧月平(Larine)今年喺ViuTV節目《辣伙頭》大騷出眾廚藝,成功勇奪冠軍,自此開啟其「廚神」之路,近日佢就拍片分享下廚心得,獲網友激讚手勢拍得住專業廚師。



王君馨

參觀佢嘅衣帽間。
王君馨素顏上陣。

藝人王君馨(Grace)其實早喺前年已經擁有自己嘅頻道,不過只係拍咗幾條片就冇再更新,直至疫情殺到,佢就「急起直追」不斷出片,主力分享個人成長故事,包括同老公嘅相愛經歷、讀書時被欺凌等,內容非常豐富!


崔碧珈

擁有36G導彈上圍嘅藝人崔碧珈(Anita),平時毫不吝嗇騷身材,近日佢卻「封胸」,拍片教英文,改行知識型KOL路線一樣咁受歡迎。

崔碧珈教英文。
實用性好高呀!


楊丞琳

楊丞琳拍日常生活。
分享邊種面膜好用。

至於台灣方面嘅代表就有歌手楊丞琳,佢拍Vlog記錄日常生活及拍節目時嘅幕後花絮,其中佢推出首條Vlog即爆紅,至今累積逾130萬觀看次數,仲吸引埋台灣林柏昇照抄翻拍「神還原」,風頭一時無兩!