男友多次求婚胡曦文得閒即嫁

東方日報
胡曦文專注事業,唔急處理婚事。

商界美女胡曦文前晚出席活動,除獻唱《幸運是我》外,更捐出一隻旗下法國品牌手錶作慈善拍賣。她透露聖誕會與男友及其家人到潮州旅行,問與男友家人同遊會否有壓力?她說:「唔會,去過喇,好開心。(幾時拉埋天窗?)遲早,佢已經過晒關,只係差我哋幾時得閒,同埋搵多啲錢,搞個盛大婚禮。(求咗婚?)求過好多次。(生BB?)唔生喇!好大責任。」不過,其男友的身份始終神秘,她說:「係喺澳洲長大嘅華人,從事金融業,識咗好耐,呢兩年開始好親密,我終於有人要喇,係緣分!」

同場的吳雲甫最近被揭入紙註冊結婚,新娘卻不是公開過的朱姓空姐,他說:「分咗手兩個月先再拍拖,拍拖4個月就決定結婚,佢係瑜伽教練。」二人將於明年3月1日簽字,否認奉子成婚。