由屏幕走上大銀幕 AV女優殺入港產片

男士們有福啦!講緊「暗黑林志玲」波多野結衣同大家過情人節呀!!

事關結衣BB有份出演賀歲片《棟篤特工》,日前已經到港幫手宣傳,出席首映禮時仲被不停集郵!有見結衣BB咁受大家歡迎,所以電影公司特別安排情人節男士專場,等女神陪伴大家過節!其實應該不限男女囉,好多女士都好like結衣BB架~

波多野結衣以拍AV起家,名揚亞洲,近年跨界成為電影演員一樣表現落力,2015年參與台灣電影《沙西米》,一人分飾2角難度甚高。今次拍賀歲片,講埋廣東話對白,表現如何就拭目以待!

港產片以情色為題材加入AV演員的確增加話題性,以下幾部都有著名AV女優、男優出演,你睇過幾多呢?

《AV》

彭浩翔2005年執導嘅港片,獲得金紫荊獎年度十大華語電影,並獲選法國多維爾亞洲電影節競賽單元之一。 故事講述黃又南、周俊偉、曾國祥及徐天祐等一班大學生,向政府攞funding請AV女優天宮真奈美來港拍 AV,電影著墨女優嘅敬業同年輕人心態……即係借拍戲嚟識女仔呢。據講係真人真事,天宮真奈美亦都嚟港宣傳。

《復仇者之死》

黃精甫於2010年執導的作品,由麥浚龍、蒼井空主演,為2010年香港亞洲電影節參展作品。最近宣佈婚訊嘅蒼井空,應該是轉型最為成功嘅AV女優,蒼井空於片中飾演被輪姦成孕嘅受害者,其男友Juno為此展開復仇,全片零賣弄色情,展現深度演技。

《豪情3D》

2014年上畫,古天樂監製兼客串,杜汶澤和何超儀領銜主演。 故事講述陳偉文(杜汶澤 飾) 靠喺報紙風月版寫色情小說維生,但自從風月版停刊,佢嘅生活亦陷入困境。某天,佢忽發奇想搞日本AV拍攝現場參觀團,由參觀團領隊變成下海做男優,仲意外於日本走紅!

電影背景設定為AV現場,所以邀請不少AV演員本格演出,最出名嘅有「神之手」加藤鷹,以及90年代於香港紅極一時嘅夕樹舞子。

《3D肉蒲團之極樂寶鑑》

2011年上映時引起極大話題,上埋國際新聞!不過著墨點唔止性愛場面,而係血腥虐待同3D,最印象深刻是雷凱欣開口老牛聲(仲有傲人之處嘅。。自己睇啦)同人體爆炸!AV女優方面有相貌出眾但已經引退的原紗央莉,同埋周防雪子!套戲埋單喺香港收成4千萬,台灣票房高達6千5百萬新台幣!

《玉蒲團之偷情寶鑑》

呢套1991年作品,隨時早過你出世!陣容除咗有香港嘅吳啟華(!)、「波霸」葉子楣同埋周弘,日本代表就有一代AV女優村上麗奈(佢而家都50歲喇)。監製仲係「明燈」才子蕭若元先生!套戲當年收近2千萬,係電影三級制之後,首批票房爆紅嘅三級片。