甩拖盈盈紅衫沖喜 洪永城住埋試婚

東方日報
馮盈盈與男友寶寶分手,昨日心情已見平復。

馮盈盈及洪永城昨午現身馬場,他自爆計劃與女友展開同居生活,更「冇有怕」步馮盈盈後塵,因同居「同住難」而分手!至於盈盈情緒已回穩,直言今年會全力為事業拚搏,並強調分手絕非轉地下情。

盈盈與洪永城出席馬場「好運1月1」賽馬日活動,甩拖盈盈以一身鮮紅打扮「沖喜」,直言會下注「小試牛刀」,希望「單車變摩托」,洪永城亦說已準備數百元搏殺。剛踏入2020年,盈盈談及新年願望時說:「一直好運落去,有更多工作,把握更多機會。」似暗示感情事暫時免問,但提到有相士指她今年感情運欠奉,與前醫生男友寶寶復合機會微,她說:「世事充滿變數,我就抱積極同樂觀態度去面對。(畀人影到同寶寶去玩喎。)我講過我哋關係好好。(咁做乜要分手?)總之發生乜事我哋兩個知,分手係成熟嘅決定。(玩地下情?)冇咁嘅諗法,我會Focus向前看。」問到會否更新擇偶條件,她搞笑答:「要陪我多啲嚟馬場,嚟緊我會同馬會有唔同嘅合作。(求偶可以嚟呢度?)係呀。」之後認真表示緣分最緊要,要睇個天!

收完樓等結婚

蜜運中的洪永城透露除夕與女友到訪赤柱友人家倒數,問到新年願望是否結婚?他說:「我有幾個目標,包括會同女友去跑馬拉松,計劃緊去平壤,可以邊跑邀欣賞個城市。(跑完求婚?)佢好難追喎,跑得快過我,我要加倍努力。」又自爆有同居打算,問到會否擔心步盈盈後塵,因「同住難」而分手?他說:「呢啲可能係每對情侶必經嘅階段,要接受對方嘅優點同缺點,Match唔到都要勇敢面對。(買樓築愛巢?)我2021年收樓。(即係出年諗結婚?)朝着呢個目標同方向,希望可以有好消息同大家分享。」

洪永城自爆有同居打算,並朝結婚方向努力。