生日行山遇搶食猴 顏卓靈:驚整到我毀容!

東方日報
顏卓靈大談日前行山的「奇遇」。

顏卓靈(Cherry)昨日出席維園「工展會」活動,日前剛踏入24歲的她透露生日當天早上與朋友行山、夜晚打邊爐慶祝,她說:「我哋行山有奇遇,行咗大半都開始攰,我咪拎個梨出嚟食,突然感覺到喺100米以外有舊嘢衝埋嚟,擰轉頭就見到隻猴子,真係好似電影情節咁!」

為免被猴子搶食,她即刻跑開閃避,她說:「我好驚佢整到我毀容,又唔想畀佢食,但佢實在反應太快。」最終她不忿氣將個梨掟落地下,她說:「佢執咗上山,仲施施然咁望住我喺度食。(冇人救你咩?男友白只呢?)佢咪大聲叫我掟落地嗰個囉。」Cherry呼籲行山人士切勿買食物餵猴子。