生日提起江嘉敏 馮盈盈即時強顏歡笑!

即係點呢?

因為一場億萬船P,傳出馮盈盈同江嘉敏擘面,兩個人作出嘅口供都不一,事後江嘉敏喺社交網話有人講人話:「知人口面不知心!」冇指名道聲講緊邊個,但有網友揣測係講緊盈盈。而盈盈受訪時只係話:「問番佢本人比較好!」

尋日盈盈26歲生日,佢要喺工作中度過,但有一班節目組同好姊妹劉佩玥同佢驚喜慶生。盈盈之後接受無綫訪問,提到江嘉敏一事,佢就話:「我社交網已經超過半個月冇更新,對最近發生嘅事都唔係好清楚,都係之後先了解番。如果係提到係嘉敏嘅一個Post,入面都冇指名道姓係針對邊一位,講緊邊個,我覺得就唔需要胡亂猜測。」再問到佢係咪姊姊情不再,佢話:「冇啲咁嘅事!」

訪問片一出街,有網友話盈盈一聽到江嘉敏個名,即強顏歡笑,有似真係有啲嘢喎!

真係姊妹情不再?
網友話佢強顏歡笑喎!
馮盈盈正日生日,有劉佩玥送上蛋糕。