試過戶口淨返1蚊! 李施嬅靠自己成功翻身

《金宵大廈》劇照

相信唔少人都有過窮困嘅時候,而藝人亦都唔例外,好似近期晚上播出嘅無綫劇集《金宵大廈》女主角李施嬅(Selena)都試過。

港姐出身嘅李施嬅,2003年參選港姐後,正式加入無綫。選美時已經被爆出家住月租五萬多嘅獨立屋,但好景不常,2004年李爸爸嘅家電公司因財務問題導致周轉不靈,結果欠下億元巨債,最終導致公司倒閉。之後,李爸爸更宣布破產,而佢哋就搬入租金不足一萬元嘅普通住宅。李施嬅用盡一切去幫爸爸,自己就由一個原本買手袋唔使睇價錢、經常幫襯五星級酒店餐廳嘅人,開始學慳家,連食野都只係食得清啖食得夠平為主!Selena仲話佢最窮嘅時候,佢嘅戶口得返1蚊,當時佢望住存摺真係喊咗出嚟。

Selena嘅父母早已離婚,李爸爸一早有一個新家庭,亦都有同父異母嘅細佬妹。Selena為咗頭家,開始努力接工作。瘋狂北上接唔同嘅Show,唔會錯過任何一個機會。捱到2010年開始,當工作上令佢有積蓄後,佢就同朋友合辦化妝學校,一嘗做老闆滋味。更因為Selena知道自己未知日後演藝事業如何,所以佢更開始學習投資及做生意,希望日後都會生活穩定。開辦兩年後,Selena就繼續拓展自己事業,校舍隔離再開髮型屋,每個月都足以有6位數字收入!同年更用約500萬儲蓄買入西營盤一個單位。2013年,32歲嘅Selena竟然放棄做老闆賣化妝學校持有嘅股份。

Selena演藝唔單止得到香港人肯定,連外國都一致認同。Selena喺2017年憑美國微電影《Once More》,奪得《European Cinematography Awards》及《Los Angeles Film Awards》最佳女主角,成為雙料影后,驚喜萬分!之後,Selena更作出重大決定離開無綫電視,向外闖及進軍荷里活。今年年初亦表示已跟一間美國經理人公司簽約成為旗下藝人。日後Selena都會多留美國,參與電影及電視劇,佢一生嘅努力真係好值得為佢高興!

李施嬅
李施嬅
李施嬅
李施嬅
李施嬅
李施嬅
李施嬅
李施嬅