珍妮花羅倫絲串爆女星扮食極唔肥:唔該做人誠實啲

金像影后珍妮花羅倫絲(Jennifer Lawrence)素以敢言見稱,最近她接受外國雜誌訪問,談及身材及減肥等話題時,她直指某些女星明明靠瘋狂節食及做運動減磅,卻對外聲稱自己天生食極唔肥,這種行為十分虛偽。

「如果你過瘦20磅,仲話自己日日食Pizza、炸雞,咁講係唔會令其他人好過囉!」珍妮花沒指名道姓鬧邊個,但相信圈中有不少女星都在裝模作樣,她希望女星們可以誠實一點,「假若我要參加奧斯卡頒獎禮或電影首映會,我唔會講大話,我係會同平時食得唔一樣,令自己可以著得落件晚裝,我唔會去否認(節食)」。

重溫更多珍妮花靚相

珍妮花透露自己平日好少節食,想食Pizza就食Pizza,但會做更多運動去保持身材,不過平日沒準備之下被傳媒影相,都會擔心自己被影得狀態不佳,但她寧願做更多運動,都不想節食。她亦指出節食減肥同黐假眼睫毛、搽唇膏一樣,都是為了令自己變得更美麗,無需要收收埋埋:「完全冇問題,除非你係為咗某一個人變靚」。

點擊瀏覽《香港01》更多內容和圖集

你可能感興趣:
【微胖女生】Jennifer Lawrence:應立法禁止在媒體說別人胖!
【BFF閨密】Emma Stone大談焦慮症往事:Jennifer就是我的出口!