王麗嘉紅底催旺 轉戰演藝界

東方日報
王麗嘉穿上火紅色內衣,大騷Big爆E Cup!

名模馬詩慧女兒王麗嘉一向身材惹火,亦是名副其實的內衣控,她與媽咪買Hot爆「紅底」迎新春!不過,大胸在模界冇優勢,她遂轉型進軍演藝界,今年的大計是到美國修讀演藝課程。

擁有E Cup逼爆上圍的王麗嘉(Irisa),驕人身材令人羨慕,日前她與媽咪馬詩慧(Janet)齊齊到內衣店,揀選紅色內衣過新年。兩母女在舖內不停揀選紅色內衣及睡衣,望新年由內紅到外,鴻運當頭!Irisa即場試了紅色喱士Bra及內褲,當走出更衣室時,來勢「胸胸」,大騷5吋「事業線」兼修長美腿,十分誘人,噴血指數爆燈。相反Janet揀的內衣則比較沉實,揀選若隱若現藍色喱士Bra,低調性感。

內衣控多珍藏

Janet透露每逢新年都會着新內衣,而身為內衣代言人的Irisa自言是內衣控:「我鍾意儲,有好多唔同款式嘅內衣,有時打開櫃桶,好多都未着過,但見到都會好開心。(鍾意邊啲款式?)我偏向舒服嘅款式,性感、喱士款都會買。(會唔會覺得性感內衣係一種情趣?)都可以咁講,但你着乜Partner都會鍾意,依家內衣都可以好Fashionable,就咁着襯牛仔褲都可以好型。」在旁的Janet說:「內衣係好貼身嘅物品,首選當然要舒服同靚,依家啲內衣好靚好多款式,又可以外着,好多時可以用嚟襯衫,多元化咗,有唔同嘅配搭。」

密謀美國發展

模界愛平胸模特兒,現時主力模特兒工作的Irisa,雖擁有標準模特兒骨架,卻因大胸影響發展,加上近年香港模特兒圈市道低迷,她亦要另謀出路。新一年新動向,Irisa會轉投演藝界:「依家香港模特兒工作唔係好多,我想去美國,想喺嗰邊發展,想去讀演戲。(想拍戲?)都可以咁講,做啲唔同嘅嘢!嚟緊諗住報讀細佬嗰間學校,但佢嗰間要Interview先入到,未知會唔會收,如果成事,到時就同細佬一齊返學。」一向開通的Janet對女兒的選擇表示支持:「佢鍾意、覺得舒服就得,呢個係佢嘅生活,我負責生佢出嚟,唔代表永遠要擁有,將來嘅路佢自己決定。」

內衣:Intimissimi

馬詩慧為女兒揀紅色睡衣,又拼上身試。
兩母女鬥Chok名模甫士!
5吋「事業線」彈出!