王馨平收老公做弟子

東方日報
王馨平歌癮起,希望有機會開演唱會。

王馨平昨日到電台宣傳新歌《心有千千結》,原來她手上還有一首新歌,希望打鐵趁熱推出。她坦言一直沒有放低歌手身份,心願是舉行個人演唱會,理想地點是可容納幾千人的中型場地。

身為瑜伽教練的她,忙到連老公都詐型:「不過佢都慣,仲開始願意畀我幫佢拉筋,係入室弟子!」問可有想過再簽唱片公司?她透露今次與星娛樂是合作形式,並笑說:「佢哋叫做咩都話好,簽唔簽都冇分別,仲好過啲簽約歌手添!」