王馨平嘆王羽成就獎來得遲

東方日報
王馨平接受梁泰來訪問,自認唔乖兼反叛!

歌手王馨平早前接受電台訪問,講與老公18年婚姻吵架少過十次,每次老公都會先認低威。提到當年父親王羽在她事業和愛情上都予以「插手」,她沒怪父親管得嚴,反而讚父親不固執且柔情:「或者有啲嘢唔係處理得好好,譬如我經理人甄妮,爹哋信任佢將我交託畀佢,爹哋同甄妮都係好硬脾氣,後來因為我嘅事,有啲唔開心,搞到最後嗌交,我夾喺中間左右為難,如果嗰時識得處理好啲、安撫好啲,或者唔會後尾打官司同反面,我唔會怪佢管得太多。」

她再否認遭父棒打鴛鴦致她與鄭嘉穎分手:「其實你哋錯啦!我唔係咁乖,都幾反叛,係到最後,我哋兩個行唔到落去。」

提到王羽早年二度中風一直在台灣休養,十一月將獲台灣金馬獎頒發「年度終身成就獎」,王馨平慨嘆是遲了點,如三年前獲得此肯定,就真是皆大歡喜。