王祖藍李亞男身高差15cm 出街搭膊頭曬恩愛

娛樂

王祖藍北上發展後撈得算唔錯,賺到錢仲賺到美人,同李亞男不時放閃,二人身高差完全唔阻礙感情發展,囡囡出世後更見恩愛。呢對最萌身高差情侶的確令人再相信愛情啊。

撰文、圖片:東方新地

最佳老公王祖藍北上賺錢兼湊女

當175cm選美冠軍遇上160cm諧星,李亞男同王祖藍呢一對排除萬難拍拖認 愛,繼而步入教堂結婚生女,用事實證明愛就是愛,身高背景外形完全唔成問題。眨吓眼囡囡Gabrielle就快一歲,祖藍除咗勤力北上賺奶粉錢外,大部分時間都盡可能撲返屋企幫老婆手湊女。不過祖藍亦好識做,顧大又顧細,仲會抽空陪老婆 大人過吓二人世界㖭!

囡囡Gabrielle就快一歲,亞男話個女似自己,但八姨太就覺得父系基因強啲囉!

最萌身高差 出街唔拖手玩搭膊頭

日前兩公婆就拍住上,由司機接載齊齊拍拖去尖沙咀做facial 扮靚靚。其實身高同外形距離一直只係外人評論,當事人從未有放在心上,見佢兩公婆一落車,高出一個頭嘅亞男就搭住祖藍膊頭,順手得嚟仲好有愛,呢啲咪最萌身高差囉!

祖藍新換架電動SUV車身有番咁上下高,二人落車時一個輕鬆一個吃力。
兩公婆齊齊戴超又戴帽,一黑一白造型相襯。
難得兩公婆遷就到時間,王祖藍孖李亞男齊齊出車去尖沙咀做facial。
邊個規定高大威猛一定要係男方?落車後李亞男旁若無人順勢搭實祖藍膊頭,不知幾自然,不知幾恩愛!

延伸閱讀:

38歲胡琳低調嫁人一周年 驚見夫妻同受傷

39歲周國賢早婚早生 全家出巡阿女曬長腿