王浩信復工考慮Cut緬甸外景

東方日報
王浩信除口罩受訪,表示休息後健康已無大礙。

無綫劇《踩過界II》演員王浩信、張振朗、蔡思貝、張曦雯及簡淑兒近日集體患病「冧廠」,停廠3日消毒後,昨日復工。王浩信與秦沛都戴上口罩,浩信表示:「之前拍律師戲對白多,喉嚨唔舒服,小心為上,自我隔離。(有冇睇醫生?)冇,休息後覺得係操勞,亦冇流感病徵發燒同乏力,抖咗一日覺得OK,第2日到其他演員病,有頭痛、頭暈、屙嘔情況,觀察吓好啲。依家非常時期,大家都唔想停工,亦唔係偷懶,注重健康係為身邊人負責。(有幕後人員唔戴口罩?)之前已經提示過,依家大家好注重衞生措施,公司亦喺停車場裝咗消毒機,廠內就有空氣淨化機,同埋多人嘅場口會延後拍。」他透露思貝、張振朗已康復,張曦雯喉嚨則仍有點不適,並指劇集3月會去緬甸拍外景,要視乎公司安排,若有危險則改劇本留港拍攝。

至於秦沛提到女兒姜麗文因疫情肆虐宣布婚禮延期,笑說:「佢哋未註冊,延期到幾時就未知,做父母唔好參與咁多喇,都係等收通知!」