王浩信伍允龍楊明失散兄弟變敵人

東方日報
王浩信、楊明和伍允龍在劇中演兄弟,並齊齊遠赴英國拍外景。

「視帝」王浩信在孭飛的無綫台慶劇《兄弟》中再有突破演出,角色「估你唔到」亦正亦邪,與失散兄弟伍允龍及楊明上演兄弟情仇,重遇後竟變成敵人。劇集更有電影級製作,到英國及菲律賓取景,豪花逾千萬港元!

無綫台慶劇《兄弟》將於下星期一(11月12日)晚上八時三十分播映,由王浩信、伍允龍、楊明、朱晨麗、江嘉敏和劉穎鏇主演,更豪花過千萬港幣到英國與菲律賓拍攝外景,睇頭十足!

重遇後互相猜忌

王浩信、伍允龍和楊明飾演失散的三兄弟,每每遇到危險時卻互相產生感應,發揮互救力量,兄弟亦隨着感應牽引,追查身世。由於三兄弟成長環境不同,性格各異,飾演科技公司老闆兼KOL的王浩信角色亦正亦邪,行事出人意表,與伍允龍和楊明相認後卻互相猜忌,後來捲入各種危機成為敵人,鬥個你死我活,王浩信笑說:「今次角色好古怪,估你唔到,佢哋以為我係壞人,喺戲入面係敵對,畀佢兩個係咁打,自己亦都為此劇學打拳。」

半唐番練廣東話

劇中的動作打鬥場面由身手了得的伍允龍孭飛,打到飛起,動作場面當然難不到他,但在外國長大的他卻因為角色在廟街長大,拍劇要苦練地道廣東話。除了打得,伍允龍亦有柔情一面,他笑說:「今次拍劇真係好唔捨得兩位兄弟,拍到後期生離死別場面,自己諗起就嚟拍完都好唔捨得,好容易喊咗出嚟。」楊明則飾演冷面保鏢,在劇中Cool到爆,更不乏槍戰和肉搏戲份,可謂搏到盡!

「三兄弟」有不少槍林彈雨場面。
王浩信為角色學打拳。