王梓軒揀定台慶戰衣力撐《多功能老婆》

東方日報
王梓軒落足眼力揀西裝,仲試埋上身!

藝人王梓軒日前被影到於中環TCNY試西裝,事後問他是否為明日舉行之台慶頒獎禮預備戰衣?他說:「係呀!雖然今次台慶頒獎禮,我冇個人嘅提名,但我有份演出嘅《多功能老婆》有十八項提名,所以都要落力撐場支持。」對於有指無綫欲開《多功能老婆》續集,他說:「我都有聽過吓,但唔能夠確定,都要睇過年後問埋千嬅先知最新消息,同埋我都好期待,想知道續集我可以點參與,因為今集角色已經慘死咗,不過,寶華姐(監製陳寶華)都好低調咁有個伏線,講我有一個孖生兄弟,唔知係咪可以喺續集出現。」

劇中王梓軒與陳煒的姊弟戀,獲得不少讚賞,他直言不少客戶睇了劇集之後,都有很好的回響:「佢哋覺得我同煒哥(陳煒)呢個組合好正,會有唔同形式嘅合作,當然我想同佢繼續拍戲,不過,一齊唱歌都好,應該幾有新鮮感。」