王敏奕得罪導演爆樽鎅花面

東方日報
楊柳青(左)兜頭爆樽,Venus嚇到面容扭曲!

演員王敏奕(Venus)在電影《地下拳》搏到盡,親身上陣拍攝被楊柳青及趙永洪爆樽的戲份,雖然被鎅花面,但依然堅持繼續拍攝。劇情講述Venus因開罪導演趙永洪,被無理要求不停重拍爆樽戲,她說:「劇組好好,不停嘗試用鏡頭減少我被爆,但必須有一定力度令糖膠樽碎裂,所以最後唔小心鎅傷面嗰陣,劇組比我仲擔心!」她直言拍動作戲難免受傷,簡單消毒後,拍攝時索性不遮蓋傷痕,增加真實感。

至於向Venus施襲的楊柳青事前事後都很緊張,她說:「未拍前試過扑自己個頭,好痛!所以到拍嗰時更加緊張,拍動作戲有時真係寧願自己受傷,都唔希望傷到人。」