王君馨吹功了得 孖老公馬爾代夫造人

東方新地 - 娛聞

王君馨同老公Daniel去年結婚到依家大歎二人世界,仲話唔急於生B住,不過眼見一班好姊妹都陸陸續續做咗媽咪,好似鍾嘉欣都生咗兩個,而李亞男早前剛宣佈有喜陀B女,王君馨都係時候有仔趁嫰生啦!

撰文:東方新地|圖片:王君馨IG

延伸閱讀:

(有片)《延禧攻略》爆笑NG片曝光!佘詩曼雙語讀對白,一招K.O內地演員!

戰勝抑鬱逆流而上 55歲黃德斌娶患難妻

王君馨沙灘放閃

日前,王君馨同老公Daniel立即行動去咗馬爾代夫度假,享受陽光與海灘,王君馨仲喺佢IG放閃,大晒兩公婆喺沙灘咀嘴,互孭碌地沙嘅溫馨照片,sweet到暈。

王君馨同老公Daniel去年結婚到依家大歎二人世界,仲話唔急於生B住。
兩公婆喺沙灘漫步拍拖睇彩虹又睇日落,sweet到暈!

大解放

王君馨喺當地大解放,盡情晒白滑靚背及長腿。
王君馨同老公Daniel喺馬爾代夫享受陽光與海灘。

好吹得

為開心大玩特玩,王君馨仲出動私伙獨角獸大型水泡,最搞笑係王君馨竟憑佢一人之力,一口氣吹脹有成個人咁高嘅大水泡,咪話唔堅!

為開心大玩特玩,王君馨仲出動私伙獨角獸大型水泡。
獨角獸水泡成個人咁高,王君馨大呼過癮!

晒長腿

面對一望無際嘅海景嬉水,真係爽爆!
王君馨老公Daniel,當然要玩埋一份。

邊拍片邊計時

為見證呢個咁艱巨嘅創舉,王君馨仲邊拍片邊計時,最後用咗16分鐘完成,都算厲害!王君馨形容自己好似吹咗30個氣球咁……冇晒氣,至於佢老公全程繞埋雙手不特止,仲喺度玩電腦完全冇幫手囉!

王君馨竟憑佢一人之力,一口氣吹脹有成個人咁高嘅大水泡,咪話唔堅!
王君馨形容自己好似吹咗30個氣球咁……冇晒氣。

不設防造人

兩公婆喺沙灘漫步拍拖睇彩虹又睇日落,王君馨仲話佢哋喺當地食咗唔少好嘢㖭,非常疏肝!今個trip咁歎咁relax,最緊要係可以朝夕相對全速造人,分分鐘兩個人去三個人返都唔出奇囉!

兩公婆喺沙灘漫步拍拖睇彩虹又睇日落,王君馨仲話佢哋喺當地食咗唔少好嘢㖭,非常疏肝!
今個trip咁歎咁relax,又可以朝夕相對全速造人,分分鐘兩個人去三個人返都唔出奇囉!
兩公婆喺沙灘咀嘴,sweet到暈。
兩公婆互孭碌地沙玩到癲。

同場加映:王君馨晒結婚相慶結婚一周年留愛的宣言感謝老公

王君馨趁著結婚一周年和拍拖13週年的大日子,於Instagram發佈和老公Daniel的結婚相,還留言:「Thanks for always letting me be my silly self with you!love you so so much! Hope for many more lovely years to come!」兩口子非常恩愛,羨煞旁人!

王君馨晒結婚相慶結婚一周年 留愛的宣言感謝老公
王君馨晒結婚相慶結婚一周年 留愛的宣言感謝老公
王君馨晒結婚相慶結婚一周年 留愛的宣言感謝老公
王君馨晒結婚相慶結婚一周年 留愛的宣言感謝老公
王君馨晒結婚相慶結婚一周年 留愛的宣言感謝老公

王君馨夫婦 父親撞埋Chok傷頸

今年的父親節,Grace喺ig透露原本同老公Daniel趁當日約爸爸去銅鑼灣食飯,點知遇上交通意外,Grace當日坐的士去到東區走廊,的士突然急停,雖然冇撞到前面架車,但後面私家車煞唔切制撞到佢哋嘅車尾,Grace喺IG話﹕「胸部頸部同背脊有少少Chok親,老公個頸同埋頭有少少chok親。之後落車比口供,影到撞到我哋嗰架車炒到咁,好彩冇人大受傷。第一次坐真正嘅救護車,身為小演員的我當然有少少好奇,問長問短,仲問佢哋有冇睇動人的時光。15分鐘後到灣仔Ruttonjee Hospital.一個鐘頭內,睇咗醫生寫咗報告,落咗口供,攞咗消炎藥同藥膏離開。醫生話骨同埋神經線冇事,應該係拉傷肌肉,休息幾日應該冇事,感謝神!」

王君馨仲感激警察哥哥、救護人員同埋醫生護士嘅照顧話﹕「A bit shaken by everything that just happened, but feeling safe and happy to be alive.(有啲嚇親,不過依家覺得好安心同埋慶幸仍然活着。)」王君馨話惟有下次再約爸爸食餐好嘅。

昨日端午節,Grace嘅老公負傷參加赤柱嘅龍舟競度比賽,Grace都有去撐老公,佢留言話:「I am SOOO PROUD of my Hubby for waking up at 6am and finishing 3 racestoday, making it to Stanley finals even after our little car accident yesterday,He didn’t want to let his team down, so he persevered and did his best even with the neck and shoulder pain from yesterday. He’s a true champion in my eyes! Thanks to the church fam to come out all the way to Stanley to cheer him on today! (真的很為我老公驕傲,他朝早六點叫醒我並完成三項賽事。雖然噚日遇上交通意外,但仍順利殺入赤柱龍舟競賽決賽。他不想令隊友士氣受挫,因此他忍着頸和膊頭的痛楚完成賽事。在我眼中,他是真正的冠軍。多謝教會的朋友一早來到赤柱支持他。)」

上月Daniel生日,做老婆嘅王君馨當然不忘放閃!


王君馨 :「我係章太啦!」

君馨去年6月同Daniel結婚﹐唔經唔覺二人結婚一年了!君馨當日再高呼自己榮升人妻:「拍拖11年11個月14日的日子已經過去,終於今日我係章太啦!」

7月11日香港補擺喜酒

在美國舉行婚禮後,君馨與Daniel於去年7月11日在香港美國會補擺喜酒,到時會邀請更多親朋好友出席!

【延禧攻略】原班人馬開新劇!《皓鑭傳》邊個冇得留低?

有情有義 情路坎坷!邵美琪 靚足33年

【港姐2018】港姐踏入45年!細數10項歷屆冠軍之最

【再創世紀】周柏豪靠鼻哥窿搶鏡? 網民:睇到好尷尬!

周柏豪

【再創世紀】女主角鬥喊功 鍾嘉欣、楊怡、周勵淇邊個最慘?

延伸閱讀:

拍拖一年多 感情一日千里!單文柔 五招收服陳展鵬