王卓淇開解爆響口:知佢同Marco拍拖

東方日報

有指楊埕捲入桃色糾紛案件,其好友王卓淇受訪時表示上月底曾與她見面,並說:「我知佢同Marco拍拖,但未見過真人,只係見過相。(當時知唔知佢唔開心?)我知佢唔開心,有開解佢。(為感情事唔開心?)呢個係佢私事,我唔方便講,只希望佢好,祝福佢。」而與楊埕同屬國際小姐的陳約臨對事件感到愕然,她說:「我知佢有拍拖,但唔知係邊個,平時佢好開朗,冇乜負面情緒。」

楊埕的前男友龐景峰則坦言年多前曾於街上碰見她與男友,但自己甚少留意香港新聞,故不知此事,只說:「冇乜嘢可以講,佢人都咁大,自己冇資格講任何嘢!」而曾與楊埕於無綫劇集《失憶24小時》中有接吻戲的黃建東說:「好少八卦朋友嘅感情生活,所以唔清楚佢同邊個一齊!(佢脾氣如何?)嗰陣係龐景峰介紹佢畀我識,佢畀我感覺笑容好好,好nice!」