王卓淇求脫單無條件放盤

東方日報
王卓淇又靚又索,想脫單絕對唔難!

前港姐亞軍王卓淇美貌與智慧兼備,但奈何竟然冇人追求,單身已久,過了多個孤獨聖誕節!她為求脫單即公開求偶,並直言無條件放盤,希望可拍拖成功!

王卓淇(Erin)經常在社交網派福利照大騷長腿及事業線,被網友封為新一代女神!今個聖誕節她化身聖誕女郎,賣萌擺出多個甫士兼大騷招牌長腿,為佳節升溫!

身為港姐亞軍的Erin,美貌與智慧並重,原以為她多人追,但今年28歲的她自爆多年來過了無數個孤獨聖誕節,今年仍是單身的她,揚言希望鼠年能夠脫單成功,更公開招親:「我冇拍拖三年,對上嗰段感情都冇過聖誕節。其實我只係有一至兩個唔係單身嘅聖誕節,真係好慘!今年要攬住貓同屋企人過,希望大家可以介紹好男仔畀我,早日脫單。」

「唔好覺得我難追」

為了脫單,貴為港姐級的她,不惜無條件放盤,來者不拒但求認識更多「候選人」,Erin說:「就算你要有條件,但兩個一齊唔啱,其實咪又係冇,所以依家我嘅要求係啱Feel同夾得嚟,世界觀、價值觀同愛情觀比較接近,相信大家會相處到,所以大家唔使驚冇條件,了解咗先,唔好諗咁多,唔好一開始覺得我好難追,大家做個朋友先,所以我喺呢個階段唔會Set條件。」

難忘過節瘀事

要數Erin度過最印象難忘的聖誕節,是她早年在英國讀碩士時獨自過聖誕:「當年喺英國讀書,好想經歷吓西方嗰種節日氣氛,所以當時我同媽咪講唔返去過聖誕節。點知假期第一日,宿舍所有室友走晒,得番我一個人,成個氣氛真係好冷清,雖然出街望到啲燈飾好靚,但大家都係同屋企人一齊,感覺好孤單,所以我即刻打畀媽咪,同佢講我都係決定返嚟,真係好瘀!」

場地:Mini Hotel Causeway Bay

呢個聖誕女郎,夠晒型!
王卓淇
相信有唔少粉絲都想做呢個雪人公仔!