獲李澤楷公開認愛 郭嘉文貼地慳家取勝

東方新地 - 娛聞

小小超李澤楷同15年港姐季軍郭嘉文拍拖近三年,雖然 多次被拍到甜蜜拍拖,又被揭委任愛將 李智康代簽臨時買賣合約入手過億天池屋 贈佳人,不過上周合體現身馬場公開活動,才 是真正首次公開認愛,閃爆娛樂頭條!一向對感 情事收得埋、歷任前度都未獲得如此優待,睇得 出小小超對郭嘉文特別寵愛,全因女友慳家貼地 又低調聽話,鄰家女孩特質成為 取勝關鍵。連標誌性第一次 合體露面,著緊都係一 穿再穿的舊裙!

撰文:東方新地 圖片:新傳媒圖片、instagram

延伸閱讀:

濃妝戒備日操廿小時 鄭秀文苦撐最後一騷

撇女友慶母親節 鬼馬黃子華紅酒隊阿媽

郭嘉文 獲李澤楷公開認愛

同首富之子戀情愈趨穩定、拍拖第一年情人節已經收九龍塘逸瓏天池屋做禮物,手 揸過億豪宅、前途無可限量,難得郭嘉文拍拖三年來堅持做到不炫富、不晒恩愛、聽話 聽教又夠低調。日前終於守得雲開獲小小超恩准以女友身份陪住出席公開場合,一身打 扮平民過平民,除咗手袋係兩年前舊款、三千銀平民牌子,連條仙氣通花連身裙都唔係 一線名牌,更加唔係特登新購入。翻看郭嘉文IG舊相,通花藍裙原來接連出現,17年拍拖初期、未離開前東家無綫時已經著緊。

拍拖近三年, 上周小小超李澤楷 終於與郭嘉文結伴出席 馬場活動。當日郭嘉文 一身打扮清新又斯 文,絕對睇唔出條藍 色通花裙已經著過 幾次!
郭嘉文

其實同一件藍色通花裙多 次在郭嘉文IG出現,追溯 至17年、初初與小小超拍 拖時,郭嘉文已穿同一條裙自拍。

愛屋及烏包廂接待

公開身份成為正印是第一步,雖然正式入門十畫未有一撇,不過據知情人士透露, 當日馬場包廂內唔止小小超同女友,郭嘉文父母其實早一步已經被工作人員秘密帶入場入包廂等候,可見小小超對待女友夠晒認真,愛屋及烏照顧埋兩位長輩。17年與李澤楷相戀、同年約滿離開無綫,拍拖兩年多愈嚟愈得男友心,比起其他城中名媛同紅顏知 己,郭嘉文最獨到之處絕對係一直做到唔揮霍、唔招搖,唔蒲唔玩生活平淡又低調,除咗日日攬住一對貓狗顯露愛心無限、來來去去身邊陪伴亦都係三兩個同性閨密。入包廂 正式入閣成為小小超公認女友前,本刊就發現郭嘉文搵埋閨密相伴去睇舞台劇,素顏直髮、一身素色打扮藏於入場人流當中,又點睇得出樸素女孩背後有億萬靠山?

當其他名媛 同富豪背後女人行 頭、手袋動輒數十萬 時,郭嘉文當日配襯 的手袋竟然係三千蚊 平民品牌兼是兩年前舊款。
52歲李澤楷與共同育有三子的 梁洛施8年前分手後, 身邊出現過多個女 伴,不過現年26歲的郭嘉文低調得體又乖巧,最深得小小 超心。
郭嘉文生活依然簡單平淡,早前入場欣賞林海峰主演之舞台劇,一身樸素打扮一點也不起眼。
平 時生活日常,郭嘉文不炫富不貪玩,身邊陪伴最多 都係同性閨密。日前睇舞台劇,都係女性友人相伴。
睇完舞台劇,郭嘉文與女友人由司機接載去位於黃竹 坑的香港鄉村俱樂部食晚飯。
遊日賞櫻

慳妹入骨

馬鞍山長大、家境小康,飛上枝頭的郭嘉文就算男友係城中首富,一樣知慳識儉,個人社交網絡相簿不難見到佢一件衫出現好幾次。早前疑似與小小超遊日賞櫻,也是穿幾年前與友人飯局時身穿的花花外套。

愛心爆棚

52歲李澤楷對26歲郭嘉文寵愛有加,據悉是因為郭 嘉文對物質生活要求不高、日日攬住自家寵物已經 心滿意足,特別欣賞女友少女心同愛心爆棚。

延伸閱讀:

【婚姻合伙人】陸永演自卑宅男揸林秀怡蘿超搶鏡 網民:好想知手感係點!