傳聞月入9萬蚊? 「爆騷王」譚玉瑛:啲人成日都話我騷錢好貴!

傳聞月入9萬蚊? 「爆騷王」譚玉瑛:啲人成日都話我騷錢好貴!

譚玉瑛(阿譚)今日(13/1)以健康藝人得獎嘉賓出席在尖沙咀舉行的《香港健康產業年度大獎》盛會。阿譚笑言:「相信任何人有獎攞都會好開心,大會頒呢個獎俾我,可能佢哋認同我健康生活方式,不過啲人成日問我點養生,我自己就每晚食飯嘅時候都會飲下酒,我覺得飲酒係我生活上一個點子,喺生活上係一種享受,不過千其唔好醉酒。」

譚玉瑛1982年擔任起無綫兒童節目《430穿梭機》的主持人,之後一直留在兒童節目組,2014年無綫進行節目改革時,盛傳阿譚出鏡頻繁出鏡費高昂,月入高達9萬,被封「爆騷王」,最終她被逼離開《放學ICU》。提到與無綫藝員合約何時屆滿?阿譚直言還有一年:「如果問我一年後會唔會再續約,時間仲有咁耐好無謂,因為呢個世界咩都會變,啲人成日都話我騷錢好貴,我都希望啲人講嘅嘢係啱,但可惜⋯⋯我又唔方便話俾你聽,我宜家做《阿爺廚房》主持都好開心。」

點擊瀏覽《香港01》更多內容和圖集

你可能感興趣:
【多圖】松岡李那新年願望努力操練 以擁有「桃尻」為最新目標
鄭俊弦自爆向何雁詩求婚心情 預告婚禮一切從簡