爆被「萬人迷」誘上房 吳啟華忽然道歉:為了好玩好笑

吳啟華為佢嘅言論道歉!

視帝馬國明同吳啟華等日前喺無綫節目《Tiger’s Talk》接受伍詠薇(伍姑娘)同林盛斌(Bob)訪問時,大爆喺大陸拍劇被女星派房號引誘上房,而吳啟華更透露曾有「萬人迷」女星晚晚派房號。正當唔少人食花生估吓究竟女主角係邊個時,竟然引發軒然大波!

喺節目爆大鑊!

不時上大陸工作嘅吳啟華,今早突然喺大陸嘅社交網用簡體字留言道歉:「在一個只談風花雪月的訪談節目,亂講一些偶爾聽來的奇聞往事,其實原意也只是為了好玩好笑!絕無意污名化任何人,也不希望大家胡亂猜測!如果對任何人因為這次事件做成有甚麼不愉快的,小弟在此深表歉意!事實上,昨天助手和我分析今次事件後,我也確實意識到自己的不該和不是!身為公眾人物,言行確實該份外小心!今後一定不會再犯!請大家原諒!」

突然耍冧!
吳啟華社交網