燉湯店又遭投訴違規 楊明:慣晒啦

東方日報
楊明的燉湯店被指涉嫌違規經營。

藝人楊明與女友莊思明開設的燉湯店,其中一間位於工廈的分店被指涉嫌違規經營,因該店只持有「工廠食堂牌照」,只能接待在工廠內工作的職工,不能招待街外食客。近日忙於拍劇的楊明接受電話訪問時解釋:「今日冇接到呢啲通知喎,不過食環署隔幾日就嚟巡一次,仲加埋消防添,話接到投訴我哋有防火問題喎。食環、消防睇完想跟進件事,但打去投訴人電話,次次都冇人聽,或者係空號。我哋習慣晒,知道係乜嘢一回事,但完全冇影響我哋營業,只係有時啲食客會發現有政府人員出現囉。」