熊黛琳努力追仔有運行 唔做郭富城頂趾鞋即變百億新抱

熊黛林郭可盈胞弟郭可頌結婚三年,生了對可愛到不得了的孖女(Kaylor 與Lyvia),熊黛林由郭富城口中 唔啱著嘅頂趾鞋,搖身一變成為百億新抱,今時唔同往日,絕對活得比「城」好!

熊黛林母憑孖女貴生日收百萬古董鑽錶

嫁到個好老公當佢如珠如寶,熊黛林更母憑孖女貴,上月為預早慶祝熊黛林39歲生日,郭可頌安排家人飯局一齊為老婆慶生,之後又撇低孖女二人世界去瑞士旅行,暢遊當地景點,並參觀鐘錶博物館,製造無限浪漫與驚喜冧妻,而生日收到價值過百萬古董鑽錶的熊黛林,更在社交網高頻率放閃。

眼結婚三年,早前熊黛林在社交網 大晒輕依老公郭可頌的合照,高調晒 愛慶祝「皮婚」。
上月在港與家人提早慶祝生日後,熊黛林與郭 可頌撇甩孖女去了瑞士過二人世界,其中一日 由老公悉心安排去參觀知名品牌鐘錶博物館, 令熊黛林大開眼界。 仲收到古董鑽錶做禮物!

老公犒賞億萬豪宅 誘熊黛林追多個仔

要為郭家開枝散葉,誕下一對孖女當然未滿足,郭可頌為犒賞老婆生多個仔,早前一家由北角老牌豪宅搬到東半山過億豪宅,與李嘉欣成為街坊,進駐新屋後, 熊黛林與老公感情更如魚得水,睇嚟新屋旺丁又旺財,郭太持續升呢活得比「城」好,大有機會早過前度添個男丁。

熊黛林上月39 歲生日,有老公及一 對孖女陪住提早慶 生,幸福滿瀉。照片 中,看到一歲半的孖女 Kaylor與Lyvia以波點 Look打扮,並束上孖 辮,非常可愛呢!

郭可頌叻仔識投資豪宅搬超豪宅

三年前熊黛林與郭可頌訂婚後不久,即以聯名方式以1,980萬元購入北角半山珊瑚閣單位,成為他們 婚後的愛巢,該豪宅雖然飽覽全海景,但樓齡已46年,屬老牌豪宅,愛妻號郭可頌為犒賞熊黛林,想老婆與兩個女有更好的居住環境,早前全家更上一層樓,搬到東半山司徒拔道另一豪宅。

熊黛林一家的新居位於司徒拔道47A,樓齡雖然唔細但保養 得非常好,單位售價過億,月租亦過十萬,唔係人人住得起。

知情者說:「Ken係叻仔嚟,投資好有眼光,佢同Lynn三年前買嘅北角豪宅都升咗好多,間屋千一呎左右,佢覺得如果再 生多個,屋企未必夠住,所以早前一家搬入司徒拔道另一豪宅,嗰度距離李嘉欣住嘅曉廬都係兩分鐘車程,鄰居非富則貴,絕對真係身份嘅象徵,對於新環境,Lynn非常之滿意,孖女亦住得好開心。」

熊黛林升呢由北角半山進駐東半山豪宅,與李嘉欣寓所「曉廬」只相隔兩分 鐘車程,兩大美人以往曾同場出席公開活動,現在同住一區做街坊。

邊個走寶?熊黛林唔做城嫂活得更好

嫁啱 郎如中六合彩,熊黛林即使嫁入豪門亦安份守己,不會自視過 高,最重要係佢受盡愛寵依然故我,抵佢有今日,不過點都要多謝郭富城,冇佢當日嘅嫌棄,Lynn又怎會成為百億新抱,受盡萬千寵愛呢?

熊黛林的生日飯當然唔少得奶奶與郭氏姊妹,不過二家姐郭可盈與二姊夫林文龍一家就有事未能出席。熊黛林在社交網上載慶生 相時留言:「有什麼比一家人的祝福更溫 暖?謝謝你們提前給我過生日!」
婚後三年夫婦感情有增無減,熊黛林不時做 跟得夫人,陪郭可頌去賽車,二人又會爭取二人世界共處,周圍飛去旅行。

延伸閱讀:

結衣BB長澤正美都走樣 2019日韓女神變形實錄

鄭嘉穎陳展鵬努力賺奶粉錢 陳凱琳單文柔偷閒帶靚B對親家