【改名賀台慶】無綫《萬千星輝賀台慶》改名為《珍惜香港 發放娛樂 TVB52年》

《珍惜香港 發放娛樂 TVB52年》宣傳片

因近日香港社會氣氛緊張,社會嚴重撕裂,全港市民都冇心情娛樂。每年11月19日舉行嘅《萬千星輝賀台慶》早排推出預告片,有唔少網民已經留言話要擺睇。據知無綫今年連台慶亮燈儀式及節目巡禮都取消,連台慶節目都要改名。無綫將《萬千星輝賀台慶》改名為《珍惜香港 發放娛樂 TVB52年》,《萬千星輝賀台慶》呢個名係無綫由1968年開始用,1988年以來第一次無用「賀台慶」字眼,係31年來首次。

無綫喺前日(11號)喺Facebook上載一條名為《珍惜香港 發放娛樂 TVB52年》宣傳片,汪明荃和鄭裕玲仲話「無綫紮根香港52年,每一刻都帶畀香港人快樂正能量。」喺12號無綫又上載另一條宣傳片,當中見到高海寧跟丁子朗正排練絲帶舞。片中寫住「新晉藝人聯同一班演藝實習生與香港人上下一心,用舞蹈為生活散發正能量!仲有一眾女演繹光影絲帶舞,為香港人分享快樂元素!」

無綫將《萬千星輝賀台慶》改名為《珍惜香港 發放娛樂 TVB52年》
無綫將《萬千星輝賀台慶》改名為《珍惜香港 發放娛樂 TVB52年》