無綫小花邱晴離巢向外闖 曾月入5萬變「一騷藝人合約」

邱睛

無綫鬧演員荒已經唔係新鮮事,今年都有唔少演員相繼離巢向外闖,最新就有邱晴(Mandy)。今年只得20歲嘅邱晴,2017年參選香港小姐後入行,雖然冇獲得任何名次,但都成功入無綫做藝人。青春無敵嘅Mandy憑住可愛甜美嘅樣及索爆身材,成功俘虜一班粉絲。

喺入行後,邱晴主要擔任兒童節目《Think Big天地》主持,亦有做過 《美女廚房3》嘅美女學徒。另外,佢都有客串唔同劇集,例如《愛·回家之開心速遞》中「傻強」女朋友Dorothy,係無綫等上位小花之一。不過自5月起《Think Big天地》突然見唔到佢,原來佢由「親生女」轉簽為「一騷藝人合約」。

邱晴接受傳媒訪問時,話想試吓唔同發展,喺網絡媒體可以分享佢嘅日常生活,又可以多啲同粉絲互動。不過佢有提及現況同收入都同以前有分別,喺無綫有固定收入,仲試過有幾個月有5萬蚊左右,又可以買奢侈品畀媽咪。但而家就好唔同,雖然轉咗約,公司都有job俾佢做,不過就要慳啲洗,同埋諗點樣賺錢。

離巢後,Mandy轉由樂宜(Lokyii)個經理人幫手管理工作,Mandy表示唔係同樂宜以及浜崎真緒一樣做夜場DJ,佢會整個Channel同小朋友互動,一齊玩吓或者一齊唱吓歌。Mandy而家就不停學習充實自己,學吓唱歌、煮食,打機、同埋做運動等。

邱睛
邱睛
邱睛
邱睛
邱睛
邱晴
伍樂怡、何依婷 & 邱晴
《Think Big天地》