無綫又轉陣?傳《十八年後的終極告白》抽起改由《C9特工》頂上

《C9特工》

無綫重頭劇《白色強人》今晚就會播出大結局,演員卡士強勁,加上精彩緊湊嘅劇情成功吸引唔少觀眾收睇。到咗暑假,即係又到無綫Amazing Summer嘅時候,原先呢個9點半檔期,無綫安排咗靈異劇《十二傳說》將會緊接《白色強人》播出,之後仲有8月19日首播嘅《她她她的少女時代》及9月16日首播嘅《十八年後的終極告白》。不過最近有傳無綫改變主意,將《十八年後的終極告白》抽起,再由《C9特工》頂上。

《十八年後的終極告白》

至於點解抽起《十八年後的終極告白》?有傳係因為《包青天再起風雲》將於7月22日首播,而該劇嘅男主角就係飾演包拯嘅譚俊彥,同埋《街坊財爺》亦會將於9月2日首播,該劇嘅第二女主角就係飾演社工Mary嘅黃智雯。而心理懸疑劇《十八年後的終極告白》就由譚俊彥、陳山聰、黃智雯及楊秀惠等人主演,有傳無綫係想避免部分演員老是常出現,擔心觀眾睇到厭,所以就改由高海寧、馬國明及黎諾懿主演嘅愛情喜劇《C9特工》頂上。

另外,下星期一首播嘅靈異劇《十二傳說》,搵嚟蕭正楠、林夏薇、劉佩玥及張穎康主演,劇集以香港都市傳說為題,由記者蕭正楠、民俗學教授林夏薇及警察張頴康,一齊調查香港發生嘅奇案奇事,例如有狐仙、西貢結界及新娘潭等等。

《十二傳說》
《十二傳說》
《十二傳說》