無意借錢助菊梓喬 吳若希:關我咩事!

東方日報
吳若希自爆愛與老公酒後「親密」。

吳若希、陳展鵬與林夏薇昨日到電視城錄影《娛樂大家10點半》,對於同公司「死敵」菊梓喬自爆冇錢交稅,她說:「關我咩事?點解要問我?(借錢畀佢?)老闆會借(口架)啦!輪唔到我。(公司抽佣好勁?)唔知呀!我哋合約形式唔同。」但她認同藝人表面風光,又自認很窮,問會否向稅局申請延遲交稅?她說:「一向有會計幫我搞,我只係知道幾時要交錢,就簽張支票畀佢。(你咁都叫窮?)最慘係中產,冇福利,啲稅又交好多,都好吃力!」又指較擔心「禁酒令」:「我有諗過係咪連屋企都唔畀飲,因為有時同老公都會輕酌吓,飲完酒就親密吓。」

至於陳展鵬最近常留在家,笑言與囡囡「小豬比」成功修補關係:「之前拍劇開咗5、6個月工,佢唔認得我咁滯,依家好好多,抱佢都唔會喊。」又透露女兒剛滿一歲,太太以獨角獸做主題在家慶祝,前晚展鵬上載派對照片,見「小豬比」戴上花花頭箍坐在嬰兒椅上,相當可愛!