為陳凱琳還人情債 鄭嘉穎相隔3年回巢拍劇

鄭嘉穎為老婆還劇債!

早前宣布再度有喜嘅陳凱琳(Grace),一向好鍾意小朋友,同老公鄭嘉穎婚後兩年抱兩,為咗唔想錯過小朋友成長,所以佢喺2018年拍完無綫劇《包青天再起風雲》後就未有再拍劇,寧願轉做KOL,但同無綫一直仲有約嘅佢,始終都要「還」,而呢筆劇債,原來就係由夫代還!

陳凱琳喺處女作《名門暗戰》有超激演出!
《包青天再起風雲》劇照
2018年同鄭嘉穎結婚!

貴為兩屆無綫視帝嘅嘉穎,雖然喺大陸闖出一片天,憑《步步驚心》及《葉問》爆紅,有傳Grace會隨夫離巢外闖,但其實兩人同無綫關係一直友好,離巢三年嘅嘉穎更落實回巢拍新劇《兒童醫院》(暫名)首次扮演醫生,更重要嘅係為老婆還人情債!雖然疫情下唔少藝人都冇工開,但嘉穎就「疫」市獲加酬勞,足見其地位!

婚後工作減產,生B就加產!
着起套西裝已經成個醫生咁樣!
照顧家庭交畀老婆!

而今次拍檔就有新任爸爸羅仲謙,睇嚟到時兩人可以慢慢傾湊仔經喇!

有羅仲謙做拍檔!