為返澳洲陪老婆仔女 雷神宣布暫別影壇

雷神1

現年35歲嘅澳洲男星基斯咸士禾夫(Chris Hemsworth)因拍攝《復仇者聯盟》系列中「雷神索爾」一角後爆紅,成為唔少漫威迷最愛嘅英雄角色之一。但噚日Chris突然宣布自己將「暫別演藝圈」,令全球粉絲崩潰。

Chris至從《復仇者聯盟4》開始,一直到《MIB 星際戰警:跨國行動》,連續 12 個月離開屋企進行拍攝工作,噚日Chris突然宣布今年佢唔會再拍電影,佢想喺屋企陪老婆同小朋友,因為仔女現正處於一個非常重要嘅年齡。雖然佢哋仲好細,不過已經感覺到佢比之前離開屋企嘅時間長咗。

Chris仲話要返澳洲同42歲老婆Elsa Pataky及3位小朋友共享更多天倫之樂。其實早前Chris接受媒體訪問時都曾表示離開屋企,去其他地方工作係一件困難嘅事。因為佢個大女India Rose,每次都接受唔到佢要離開屋企,令佢相當難過。

雖然粉絲都好失望,不過都好支持Chris陪伴家人嘅決定,希望Chris充好電返嚟拍《雷神索爾》第四集。

雷神2
雷神3
雷神4
雷神5
雷神6