為免來港返台要隔離 莊思敏婚禮 家長嚟唔到

東方日報
莊思敏以友情價拍廣告,大騷長腿。

藝人莊思敏日前被踢爆入紙註冊,三月中將與台商Brian結婚,昨日她於柴灣以友情價為好友胡曦文的健康產品IFUBO拍攝廣告。提到現時新冠肺炎疫情下可有對婚禮有影響?她笑說:「自己個婚禮冇乜大型儀式,所以冇乜太大影響,唯一影響係雙方家長未能夠親身見證,因為台灣過嚟香港,返去又要隔離,所以比較麻煩。(三月中咁快?)簽個字,律師得閒就得,我認真(o架)!都係喺屋企簽個字。(開結婚Party?)未有決定,因為又唔方便聚會,又驚請漏朋友,可能個別食飯。(婚禮唔延期?)因為擇咗日子、搵咗律師,雙方家長都覺得簽字只係儀式冇乜所謂,之後先食飯,媽咪就應該唔返嚟,Daddy到時應該喺香港。」她又表示未必會補擺喜酒。

至於結婚相,她坦言還未影,並笑說:「我真係好隨意,好似個男人咁,到時可能着睡衣落去簽個字,之後就返上房瞓。佢就會緊張啲,本來有個夢幻憧憬婚禮,但都畀我毀滅咗,我太怕煩。」她又否認雙喜臨門,笑言還有出去飲酒「消毒」。