火箭少女正式解散!楊超越喊到面容扭曲勁感觸

有緣再會!

內地選秀節目《創造101》誕生嘅女團「火箭少女」尋日正式宣布解散,未來各自發展,舉辦咗一場「畢業典禮」節目作最後演出,除咗因病遺憾缺席嘅李紫婷,所有成員都哭成一團,個個都表現依依不捨!

火箭少女成軍2年正式解散。
楊超越上台喊到落台!

尤其楊超越更喊到面容扭曲,話當初只係參加比賽,冇諗到會成為女團一份子:「他們都說『楊超越怎麼可能做女團,她跳成這樣我都可以!」樣子甜美嘅佢當年以第三名入選女團,但歌唱舞蹈唔係特別出眾,甚至被指跟唔上節拍,曾被網民質疑實力,佢感觸表示:「這些愛太重了,我每天都要爬起來跳舞!」佢仲話自己「幹啥啥不行」,平日最叻就係同老闆頂嘴,並自嘲:「跟老闆吵架第一名!」楊超越一時喊一時笑,成員都被逗得哭笑不得。

放棄偶像包袱,喊到面容扭曲!
隊友都忍唔住又笑又喊。