激罕童年照曝光 《深宮計》陳煒 細個勁似㗎妹!

東方新地 - 娛聞

陳煒在熱播劇《宮心計2深宮計》中飾演太平公主,雖然已經44歲,但仍然keep得勁好,無論皮膚定係身材都依然fit爆,在劇中更將太平公主嘅霸氣演繹得淋漓盡致,獲網民封為「民間視后」,究竟女神是如何煉成的?

撰文:東方新地 | 圖片:新傳媒圖片、陳煒IG、微博

 

《深宮計》陳煒視太平公主為代表作

飾演太平公主嘅陳煒獲中港兩地網民一致力讚,睇好做「視后」,陳煒接受傳媒訪問時謙虛表示,好多謝觀眾咁支持套劇同佢,又話演員遇到好角色又有得發揮嘅真係好難得,所以佢好畀心機把握呢個機會!而近日煒哥出席活動,透露《深宮計》點擊率已經接近11億,佢笑言等點擊到20億時,會學馬浚偉同胡定欣公開「十億祼照」咁:「拎啲嘢出嚟畀大家開心吓!」

 

深宮計

《深宮計》中馬浚偉飾演唐玄宗李隆基,聯同姑姑太平公主(陳煒飾)發動政變,以禁軍殺了韋后(米雪飾)、安樂公主,並徹底剿滅韋氏集團,之後就輪到兩姑侄爭權鬥位!

深宮計

早前駙馬被斬,太平公主悲痛欲絕,誓要為駙馬報仇!

深宮計

熱播中的大台劇《深宮計》,有人話啲妃嬪以至宮女都年紀大,其實年齡只係一個數字!你睇吓飾演太平公主嘅陳煒現年44歲,但仍然Keep好好,無論皮膚定係身材仍然弗爆!今日佢拍新劇《多功能老婆》,就因為劇情需要而穿泳衣⋯⋯觀眾有眼福了!煒哥喺IG晒出罕有水着相,大騷長腿,仲留言話好耐冇著過泳衣。不少網民大讚身材弗爆,仲笑指:「太平公主身材一啲都唔太平」⋯

 

 

陳煒過檔無綫後真係劇接劇,近排趕拍無綫新劇《多功能老婆》,同女主角楊千嬅有不少對手戲!呢日佢等埋位嘅時候就勤力熟讀劇本,而佢仲大騷長腿喺IG開心share!

 

 

 

兩度爭視后

其實今年44歲嘅煒哥,分別喺2015同2016年都有過機會憑《火線下的江湖大佬》嘅「傻冧」同《梟雄》嘅「桂生姐」兩個角色問鼎視后,可惜最後都係失落「最佳女主角」,不過煒哥嘅演技大受讚賞,唔少網民激讚煒哥好戲過多年死敵萬綺雯㖭!

甚少做喜劇嘅陳煒喺《火線下的江湖大佬》估唔到都咁掂,扮鄭則仕老婆、江湖大嫂「傻冧」夠自然又夠放!

而喺《梟雄》飾演「桂生姐」仲獲得《星和無綫電視大獎》嘅「我最愛TVB電視女角色」獎。

早前喺《果欄中的江湖大嫂》中,陳煒飾演一個過氣的功利小女星,但是在慶生時發現老公外遇,之後回到香港生活,更成為了一個果欄的欄主,亦贏盡觀眾掌聲!

陳煒

96年亞姐冠軍

入行22年嘅煒哥,96年未畢業便決定參選亞洲小姐,更勇奪冠軍!之後成為亞視藝員,拍了超過廿部電視劇,當中《我和殭屍有個約會》同扮梅艷芳的《美麗傳說2星願》都非常經典。

曾做「晶女郎」

唔講唔知,煒哥原來都做過「晶女郎」,06年拍電影《提防老千》更與王晶有超火辣場面!

倒奶搏到盡

12年過檔TVB初期,煒哥繼續行性感,即使唔係做女一都搏到盡,倒奶絕對係家常便飯!

效果都相當震撼!

煒哥入得廚房出得廳堂,44歲仲keep得咁fit,究竟女神的童年的樣子係點嘅呢?

係咪好kawaii呢?

女神當年真係又pure又true!

01年出噴血寫真

注定食呢行飯嘅煒哥,一早已深明上位之道,肯搏肯捱之餘,仲識賣肉冧觀眾!

01年出埋寫真添!

曾嫁台商顏志行

煒哥近年開始入屋,唔少後生觀眾見佢keep得咁好,以為佢應該大把男朋友啦!其實煒哥08年曾經同台灣商人顏志行結婚,顏志行今年42歲,細煒哥兩年,現時係台灣雿霆國際股份有限公司CEO,打理家族生意。不過去年煒哥表示喺2012年復出拍劇時已經同顏志行離咗婚,不過煒哥就話只係兩人感情出現問題,與第三者無關。

其實單身又有咩好怕呢?44歲煒哥keep得咁好,人靚身材正,唔愁冇第二春!

陳煒
陳煒

 

延伸閱讀:

非洲草原睇獅子圓夢 雨僑 望快同羅力威補度蜜月

張繼聰囡囡可愛大爆發 為零食楚楚可憐嗌爸爸