澳洲山火現陰霾 馬德鐘兒子返港避災

東方日報
馬在驤又型咗,同馬德鐘似兄弟多過父子。

藝人馬德鐘的21歲兒子馬在驤現就讀澳洲大學二年級,近日趁當地放暑假返港,前晚即做孝順仔陪父母出席慈善女王趙曾學韞的金婚晚宴。士別三日的馬在驤,身高已衝破1米80,高過爸爸!由於澳洲火山災情嚴重仍未受控,在悉尼讀書的在驤亦受影響,張筱蘭稱兒子就讀的地方空氣質素變差,好像加了濾鏡一樣,馬德鐘則說:「經常都有陰霾,阿仔都成日咳,但學校就冇停課,佢仲喺嗰邊照有游水,但都建議佢趁暑假返香港抖吓。(佢有冇自薦做義務消防救火?)佢冇提,熱心係好,我覺得幫手首先要顧咗自身安全,好似我拍《跳躍生命線》救人戲都係要以自己安全為先。」兒子返港已一周,他笑言肯回港探父母已感開心。

另外,提到正在拍攝《伙記辦大事》與歐陽震華有不少對手戲,馬德鐘說:「今次輪到我做律師,佢做交通警,好耐冇同佢合作,今次可以擦出火花。」