【潮流日常】汪明荃蒸糕要悉心打扮 珠片帽加復古耳環原來係潮物

【潮流日常】汪明荃蒸糕要悉心打扮 珠片帽加復古耳環原來係潮物

「阿姐」汪明荃每年都會自家製蘿蔔糕,送贈予好友。阿姐繼喺IG上載去街市辦年貨嘅照片後,昨日喺IG Story上載埋蒸糕過程,當中除提及100斤蘿蔔是羅家英徒弟梁淑明家中種之外,阿姐仲話盛載蘿蔔糕嘅盒,係特意搵朋友製造,真係非常有心。 

為咗呢個蒸糕教學,阿姐以休閒嘅綠色polo恤上陣,即時青春晒。不過,咁都仲未夠,因為阿姐竟然搵咗頂綠色珠片帽去配襯,而呢頂帽係屬於Gucci 2020早春系列(售價約3,100元),華麗又夠潮,另外,阿姐又特意換上Gucci復古耳環(售價約3,700元),小小嘅點綴,更突顯阿姐嘅品味。或者係因為對珠片情有獨鍾,所以阿姐唔止入手綠色,連紫色都有一頂,上月佢去馬來西亞時,就已經亮相過。值得一提嘅係,阿姐呢頂綠色連Gucci官網都無,貨源極為罕有,不過阿姐貴為Gucci嘅忠實fans,想要咩色都唔難。

點擊瀏覽《香港01》更多內容和圖集

你可能感興趣:
汪明荃寄望農曆新年香港回復正常 :大家開開心心就最好
72歲汪明荃跟郭子豪做Gym 呼籲全民運動:鍛練也是必須要堅持!