滿臉倦容開工 呂慧儀:屋企野唔再回應

呂慧儀指不再回應離婚一事。

【星島日報報道】呂慧儀上周六凌晨於網上跟前夫黃文迪發聯合聲明,提到兩人於2018年尾已離婚,兩人共同撫養兒子「蟹籽」,分開亦不涉及第三者。呂慧儀今晨如常回到電視城拍攝《愛。回家之開心速遞》。她約10時45分離開錄影廠,友善地跟在場記者打招呼,隨後表示要先換衫。

有點倦容的呂慧儀離開服裝間,大方應要求拍照。問到心情如何?她說:「正常返返工囉,唔點應喇,其他野。多謝大家關心,都係如常生活,屋企嘅野唔再回應,都唔洗問我喇。(離婚係幾時嘅事?)其他野都唔回應。」

提到前好姊妹傅嘉莉日前網上發文喊冤,呂慧儀說:「都唔回應,我專心做好我嘅工作,湊好我小朋友就得。(同傅嘉莉仲係朋友?)我唔回應其他野喇,唔想再講落去。(隔離廠拍劇,見面怕唔怕尷尬?)我唔講喇,唔該晒!」

問到湊小朋友時間可需重新分配?呂慧儀說:「其實件事已經過咗去,所以依家唔會再講回應。(已經安頓好晒?)啊⋯唔講喇,我去開廠,都等緊我。」

睇更多