滕麗名陪打拳 陳浚霆減磅《回》歸

東方日報
陳浚霆約埋滕麗名打拳瘦身,成功減20磅。

無綫處境劇《愛.回家之開心速遞》演員呂慧儀、湯盈盈與滕麗名等昨日進行「至Fit健康同樂日」宣傳,一眾演員合體擺瑜伽甫士,但搞笑居多。加盟邵氏的「風少」陳浚霆將回歸《愛》劇,他笑言因喪食暴肥,與滕麗名結伴打拳及節食減肥,成功瘦身20磅,笑稱是「細胃」成員。滕麗名同時為《陀槍師姐2020》開工,透露演回經典角色「陳三元」,與黃美棋再做母女。

身為人母的呂慧儀與湯盈盈被問到大有機會繼續停課,盈盈說:「我又唔介意,開始識教個女做功課,唔會同佢鬧交,依家疫情嚴重,情願佢哋留喺屋企。」

呂慧儀則笑說:「個仔啲練習都做晒要再買,收工返屋企會同佢做,好多時都做到11點。(擔心小朋友嘅學習進度?)唔緊要啦!大家都一齊停咗,我個仔仲細唔會影響好大。」

呂慧儀被張景淳公主抱,傳緋聞冇避忌。