滕麗名跑山搵周潤發鬆筋!

東方日報
天氣悶熱,蕊蕊晒腿降溫。

藝人滕麗名、唐文龍與蕊蕊等,昨晨到西貢出席環保活動。早前拍戲傷腳的阿滕已無大礙,並主動提到日前跟周潤發跑山:「成日見到江美儀同發哥啲相,發哥話好耐冇見我,咁我就有機會同發哥等二十幾人去跑,佢仲幫我鬆筋添,好Sweet!」但又笑言鬆筋時痛到咬手指:「佢哋叫我唔好忍,叫出嚟好過!」

至於唐文龍自爆打拳受傷:「依家右邊肋骨9至10節有少少撕裂,睇咗醫生要3至4星期先愈合。依家冇任何嘢可以做,食藥都唔得,揸車經過凹凸路面都痛。(有冇影響工作?)好彩呢排只係做電影宣傳,遲啲先拍嘢,所以都想快啲好番。」

滕麗名的傷勢沒大礙,唐文龍則仍有傷在身。