溫碧霞「自甘墮落」求陳煒盡情施虐

東方日報
溫碧霞的角色受盡欺凌,甚考演技。

藝人溫碧霞(Irene)、陳煒(煒哥)及「金馬影帝」艾廸合作題材暴力的新片,被煒哥施以「酷刑」的Irene大叫好玩兼有挑戰性,更鼓勵對方用盡全力施虐。至於負責「虐殺」煒哥的艾廸不忍摧花,竟搞笑說:「不如改為錫死佢啦。」

Irene、煒哥及艾廸前晚於尖沙咀拍攝英皇新片《墮落花》,劇情講述Irene被人虐待拖行,及三人「講數」的戲份。他們身處暗巷拍攝,加上下大雨布滿水漬,衞生環境惡劣,不過他們仍投入演出。戲中Irene不時被扮演警隊高層的煒哥暴力對待,包括掌摑、扯頭髮兼灌水,煒哥笑言「於心不忍」,反而Irene鼓勵對手「盡情發揮」:「我鼓勵佢大大力打落嚟添,咁先有實在同真實感覺,最緊要出嚟效果逼真,覺得今次個角色真係好有挑戰性。」

艾廸四海為家

退出娛樂圈多年的艾廸透露多年來「四海為家」:「受傷之後冇拍戲,去台灣住咗11年同英國1年,依家就喺三藩市定居做貿易。今次返嚟香港5星期,好彩嗰邊有人幫我處理生意,完成咗泰國外景戲,我會飛返美國。」又指自從為金馬獎50周年站台後,不少人邀請他復出拍戲﹕「拍咗幾部啦,只係未推出,過吓戲癮囉。(計劃返嚟發展?)唔會,喺嗰邊落地生根,寧願有戲先飛返嚟。」

想「錫死」煒哥

另外,煒哥早前為電影造型時表示,未有機會欣賞艾廸的經典電影《邊緣人》,男方前晚即向煒哥送上親筆簽名DVD。提到戲中煒哥被艾廸殺死,她笑說:「艾廸哥哥好溫柔,同型男合作好緊張。」艾廸即笑言:「點捨得殺靚女呀?不如改為錫死佢啦。」當煒哥聞得男方1973年出道,即驚訝說:「嗰年我啱啱出世咋!」

艾廸、陳煒與溫碧霞於後巷「講數」。
艾廸帶親筆簽名DVD送給陳煒。